बाँकेको खजुरा गाउँपालिकाले अपाङगता भएका व्यक्तिको ३३ अन्तराष्ट्रिय दिवस अन्तरक्रिया गरेर मनाएको छ । गाउँपालिकाको महिला बालबालिका तथा जेष्ठ नागरिक शाखाको आयोजनामा समावेशी तथा दिगो भविष्यको पुर्वाधार, अपाङगता भएका व्यक्तिहरुको प्रवल नेतृत्व यसको आधार भन्ने नारा सहित अन्तरक्रिया गरेको हो ।

खजुरा गाउँपालिकाका उपाध्यक्ष मन्जु मल्लको अध्यक्षतामा भएको अन्तरक्रियामा पालिका अध्यक्ष डम्बर बहादुर बिकले अपाङगता भएका व्यक्तिको लागि सरकारी कार्यालयहरु अपाङग मैत्री निर्माण गरिसकेको भन्दै सोहि अनुरुप सेवा प्रदानको कार्यलाई पनि पहिलो प्राथमिकतामा राख्दै आइरहेको बताए ।

खजुरामा अपाङगता भएका व्यक्तिहरुका लागि उपचारमा सहजहोस भन्ने हेतुले घरमै स्वास्थ्यकर्मि गएर स्वास्थ्य परिक्षण गर्ने गरिएको बताए । उपाध्यक्ष मन्जु मल्लले अपाङगता भएका व्यक्तिहरुको आर्थिक विकासमा थुप्रै काम गर्न आवश्यक रहेको बताइन । उपाध्यक्ष मल्लले अपाङगता भएकाहरुका लागि सिप विकासमा पालिकाले योजना बनाएको र आवश्यक विषयहरुमा सहयोगी भएर काम गर्न तयार रहेको बताइन ।

कार्यक्रममा अपाङग सशक्तिकरण एंव संचार केन्द्र (डेक नेपाल)का कार्यक्रम प्रवन्धक गोविन्द फुलाराले अपाङगता भएकाहरुको शैक्षिक सगैं व्यवसायिक गतिविधि बढाउन आवश्यक रहेको बताए । कतिपय अपाङगता भएकाहरुको सशक्तिकरणमा काम गर्न समेत जरुरी देखिएको उनले जनाए । कार्यक्रममा खजुरामा रहेका केहि अपाङगता भएका व्यक्तिहरु, इलाका प्रहरी कार्यालय धनौलीका प्रतिनिधि, विभिन्न संघ सस्थाका पदाधिकारी लगाएतको उपस्थिती रहेको महिला बालबालिका तथा जेष्ठ नागरिक शाखा प्रमुख शुसिला न्यौपानेले जानकारी दिइन ।